“İnanırıq ki, Azərbaycan və Ermənistan cəbhə xəttində gərginliyin azalması üçün addımlar atacaq"

“Azərbaycan və Ermənistan prezidentlərinin növbəti görüşü ilə bağlı heç bir məlumatım yoxdur, lakin hesab edirəm ki, bu görüş vacib olacaq”.

APA-nın xəbərinə görə, bunu jurnalistlərə açıqlamasında ABŞ-ın Azərbaycandakı səfiri Riçard Morninqstar deyib.
 
Son vaxtları cəbhə həddində artan gərginliyə münasibət bildirən diplomat qeyd edib ki, ABŞ və ATƏT-in Minsk Qrupunun həmsədrləri bu gərginliyin artmaması üçün bütün səyləri göstərir: “Biz inanırıq ki, Azərbaycan və Ermənistan cəbhə xəttində gərginliyin azalması üçün addımlar atacaq”.