Yunanıstanın paytaxtı Afinanın futbol komandası olan “AEK Afina” yeni stadionuna “Ayasofiya” adını verib.
525.az xəbər verir ki, stadionun təntənəli açılış mərasimi keçirilib. Atəşfəşanlıq və işıq şouları ilə başlayan mərasim, daha sonra “kemençe” və “horona”la davam edib. Stadionun ortasındakı skripka ifaçısının adının Mattaios Tsahuridis olması isə xüsusi diqqət çəkib. Pontik millətçi kimi tanınan Tsahuridis Türkiyəni soyqırımda ittiham etməklə tanınır. "Pontik soyqırımı"nı türklərin törətdiyini iddia edən yunan sənətçinin qondarma soyqırımla bağlı mahnı və türkülərin altında öz imzası var.
Qeyd edək ki, “AEK Afina” 1924-cü ildə İstanbuldan Afinaya gedən yunanlar tərəfindən qurulmuşdur. Klubun emblemində İstanbul və Qərbi Anadolunu təmsil edən ikibaşlı Bizans qartalı təsvir edilib.
Məhəmməd Tağıyev
çap et