Özbəkistanın xarici işlər naziri Vladimir Norov Bakı-Səmərqənd-Bakı aviareysinin açılmasına münasibət bildirib.
525.az-ın məlumatına görə, bu barədə o, özünün tviter səhifəsində yazıb.
“Dünən “Fly Khiva” və “Azərbaycan Hava Yolları” QSC-nin (AZAL) Özbəkistanın Azərbaycandakı səfirliyi ilə birgə təşkil etdiyi Bakı-Səmərqənd-Bakı marşrutu üzrə ilk uçuş həyata keçirilib”, - paylaşımda deyilir.
O, reyslərin həftədə iki dəfə - çərşənbə axşamı və cümə günləri müntəzəm olaraq həyata keçiriləcəyini əlavə edib.
“Artıq azərbaycanlı dostlarımızla daha tez-tez görüşəcəyik”, - Vladimir Norov yazıb.
Xatırladaq ki, oktyabrın 5-nə keçən gecə Bakı-Səmərqənd reysinin ilk təyyarəsi Səmərqənd (Özbəkistan) hava limanına uğurla eniş edib.
çap et