Təhsildə Qiymətləndirmə Xidmətinin (Educational Testing Service – ETS) kompüter əsaslı növbəti “GRE: General Test” oktyabrın 13-də Dövlət İmtahan Mərkəzinin Nəsimi rayonu, Ə.Salamzadə küçəsi, 28 ünvanında yerləşən binasında təşkil olunacaq.
Mərkəzdən 525.az-a bildirilib ki, imtahan verəcək şəxslər saat 08:15-dən gec olmayaraq şəkilli şəxsiyyət vəsiqəsi və ya ümumvətəndaş pasportu ilə birlikdə imtahan binasında olmalıdırlar. İmtahan saat 09:00-da başlanır.
“GRE General Test” imtahanı haqqında ətraflı məlumat Mərkəzin saytında yerləşdirilib.
çap et