Bolqarıstan vəsait çatışmazlığına görə "Eurovision"-da iştirak etməyəcək
Bolqarıstan 2023-cü ildə keçiriləcək “Eurovision” mahnı müsabiqəsində milli ictimai yayımçı BNT-nin kifayət qədər vəsaiti olmadığı üçün iştirak etməyəcək.
525.az bu barədə xəbər verir ki, müsabiqədə iştirakla bağlı qərarı telekanalın idarə heyəti qəbul edir. Hesabatda bildirilir ki, imtinanın səbəbi sırf maliyyə xarakterlidir.
Qeyd olunduğu kimi, bir sıra iştirakçıların müsabiqədən çıxması səbəbindən müsabiqədə iştirak haqqı artıb. Eyni zamanda, BNT telekanalının büdcəsi bu il 2 milyon leva (1 milyon dollar) azaldılıb, xərcləri isə üç dəfə artıb.
Bunun fonunda telekanalın idarə heyəti müsabiqədə iştirakını yersiz hesab edib. Artıq Monteneqro, Bosniya və Herseqovina, Andorra, Şimali Makedoniya, Slovakiya, Monako və Lüksemburq Avropa yarışmasında iştirakdan imtina edib. Ukrayna münaqişəsinə görə isə Rusiya və Belarusun iştirakına icazə verilmir.
Müsabiqədə iştirak haqqını dövlətlərin yayım şirkətləri ödəyir. Məbləğ ölkədən asılıdır. Bir sıra iştirakçılar üçün digər ölkələrə nisbətən daha çox pul ödəyən Rusiyanın müsabiqədən kənarda qalması səbəbindən iştirak qiyməti artırılıb.
Qeyd edək ki, iyul ayında BBC-nin Böyük Britaniyada “Eurovision”a ev sahibliyi etdiyi üçün 17 milyon funt sterlinq ödəyəcəyi bildirilmişdi.
Malik Atilay
