ABŞ-da noyabrın 8-də keçiriləcək seçkilər yaxınlaşdıqca prezident Baydenin konqresdəki üstünlüyünü itirməsi və "axsaq ördək"ə çevrilməsi ehtimalı var.
525.az xəbər verir ki, ABŞ siyasətində “axsaq ördək” anlayışı iki vəziyyətdə istifadə olunur. İndiki prezident ikinci dəfə namizəd olub seçkidə uduzursa, o, yeni seçilən prezident hakimiyyəti ələ alana qədər 3 aylıq keçid dövründə “axsaq ördək” kimi qələmə verilir və çox mühüm qərarlar qəbul edə bilmir. Yaxud prezidentin partiyası növbədənkənar seçkilərdə Konqresdəki üstünlüyünü əldən versə, “axsaq ördək” olur.
ABŞ tarixinin ən güclü prezidentlərindən biri olan Barak Obama 2014-2016-cı illərdə Konqresi Respublikaçılara uduzaraq son iki ili “axsaq ördək” kimi keçirmişdi. Bill Klintonun ilk iki ili və Corc Buşun son iki ili son nümunələrdir. Noyabrın 8-də keçiriləcək Konqresə seçkilərdə Senatın 100 üzvünün 1/3-i və Nümayəndələr Palatasının bütün 435 üzvü dəyişdiriləcək. Son sorğular göstərir ki, Respublikaçılar ən azı bir və ya hər ikisində lider ola, yəni Bayden “axsaq ördək” ola bilər.
Yaşının və səhvlərinin ilk günündən tənqid hədəfinə çevrilən Baydenin “axsaq ördək”ə çevrilməsi ABŞ prezidentinin son iki ildə zəifləməsi deməkdir. Baydenin seçkilərdə mənfi nəticə verməsi onun Respublikaçılarla bir çox daxili və beynəlxalq məsələlərdə, xüsusən də büdcədə razılaşmadan heç bir addım atmamasına səbəb olacaq.
Qeyd edək ki, Ali Məhkəmədə mühafizəkar hakimlərin çoxluq təşkil etdiyi ölkədə konqresin itirilməsi ölkədə vəziyyətin dəyişməsinə və Baydenin prezidentlik xəyallarının 2024-cü ildə sona çatmasına səbəb ola bilər.
Məhəmməd Tağıyev
çap et