Rusiyanın müdafiə naziri Sergey Şoyqu ölkəsində səfərbərlik fəaliyyətinin başa çatdığını açıqlayıb. Şoyqu: "Orduya qəbul edilənlərdən 218 mini atış poliqonlarında təhsil alır, onlardan 82 mini təlimdən sonra əməliyyatın davam etdiyi bölgəyə göndərilib", - deyib.
525.az xəbər verir ki, Rusiyanın müdafiə naziri Sergey Şoyqu Rusiya prezidenti Vladimir Putinə ölkədəki qismən hərbi səfərbərlik barədə məlumat verib. Səfərbərliyin sentyabrın 21-də elan edildiyini xatırladan Şoyqu: "Səfərbərlik çərçivəsində 1300-dən çox müxtəlif səviyyəli icra hakimiyyəti nümayəndəsi və 27 mindən çox iş adamı orduya çağırılıb. 13 min vətəndaş könüllü olaraq orduya qoşulub. Orduya gedənlərin orta yaşı isə 35-dir", - deyə bildirib.
Ümumilikdə 300 min vətəndaşın orduya çağırıldığını qeyd edən Şoyqu: "Onların 41 mini birliklərin tərkibində fəaliyyət göstərir. Səfərbərlik tədbirləri başa çatıb", - deyə bildirib. Rusiya prezidenti Putin ölkədə elan edilən səfərbərliyin zəruri olduğunu vurğulayıb: "Prosesdən nəticə çıxarılmalıdır. Hərbi şöbələrdə qeydiyyat sistemi yenilənməlidir", - deyib.
Qeyd edək ki, Rusiya Silahlı Qüvvələri üçün lazım olan bütün elementlərin inşası sahəsində düzəlişlərin edilməli olduğunu vurğulayan Putin, Şoyquya bu istiqamətdə lazımi addımların atılmasını tapşırıb.
Məhəmməd Tağıyev
çap et