Milli Elmlər Akademiyasının Hüseyn Cavidin ev-muzeyinin Gənc Alim və Mütəxəssislər Şurası "Azərbaycan ədəbiyyatında Hüseyn Cavid mənzum dramın banisi kimi" mövzusunda inşa müsabiqəsi elan edib. Muzeydən "525"ə verilən məlumata görə, müsabiqənin əsas məqsədi ölməz şair-dramaturq Hüseyn Cavidin irsinin tədqiqi və təbliği yolu ilə onun yaradıcılığını gənc nəslə öyrətməkdir. Bakı şəhərində yerləşən istənilən orta məktəbin IX-XI sinif şagirdləri mövzu üzrə inşasını müsabiqəyə təqdim edə bilərlər. İnşa yazısı kompyuterdə "Word" proqramının 14 nömrəli şrift ilə (sətirlərarası məsafə 1,5-dən çox olmamaqla) yazılmalıdır.
Müsabiqə müddətində qəbuletmə və qoşulma prosesi onlayn həyata keçiriləcək. İnşalar huseinjavid@gmail.com e-mail ünvanına göndərilməlidir. İnşa yazıları mütəxəssislərdən ibarət münsiflər heyəti tərəfindən qiymətləndiriləcək. Müsahibənin sonunda seçiləcək üç ən yaxşı inşa müəllifləri təltif ediləcəkdir. Mükafat şəklində I, II, III yerlər üzrə müvafiq olaraq "Hüseyn Cavid əsərlərinin 5 cilddə" külliyyatı, "Cavid hikməti (seçmə aforizmlər)" kitabı və "Sözləri Hüseyn Cavidindir" adlı mahnı albomu təqdim olunacaq.
S.ABDULLAYEVA
çap et