Yaponiyanın baş naziri Kişida Fumio və Çin sədri Si Cinpinin bu həftə keçiriləcək Cənub-Şərqi Asiya Millətləri Assosiasiyasının (ASEAN) Sammitində görüşə biləcəyi açıqlanıb.
525.az xəbər verir ki, "Kyodo" agentliyinin diplomatik mənbələrə istinadən verdiyi məlumata görə, Yaponiyanın Baş naziri Kişida bu həftə keçiriləcək ASEAN Sammitində Çin Dövlət Başçısı Si ilə görüşməyi planlaşdırır. Görüş zamanı Yaponiya lideri ikitərəfli və regional münasibətlərdə diplomatiya imkanlarını, o cümlədən Tayvan boğazı ətrafındakı problemlərə dialoq yolu ilə həll yollarını axtaracaq. ASEAN Sammiti noyabrın 10-13-də Kambocanın paytaxtı Pnompendə keçiriləcək.
Si və Kişida sammit marjasında görüşsələr, qonşu ölkənin siyasi liderləri təxminən 3 ildən sonra ilk dəfə üz-üzə görüşmüş olacaqlar. Si və Kişida sonuncu dəfə 2021-ci ilin oktyabrında Yaponiyanın baş naziri kürsüyə oturduğu zaman telefonla danışıblar. Çin lideri sonuncu dəfə 2019-cu ilin dekabrında Yaponiya lideri ilə üz-üzə görüşüb. Şərqi Asiyanın sahil qonşuları arasında iki ölkə liderlərinin "əbədi sülh və dostluq münasibətlərinin qurulması haqqında" qətnamə imzaladığı birgə dövlət kommünikesi isə yarım əsrə çatıb.
Qeyd edək ki, bu il Yaponiya və Çin ikitərəfli diplomatik əlaqələrin normallaşmasının 50 illiyini qeyd edirlər.
Məhəmməd Tağıyev
çap et