Cənubi Koreya Prezidenti Yoon Suk-yeol ölkəsi ilə Çin və Yaponiya arasında üçtərəfli əməkdaşlıq mexanizmlərinin tezliklə yenidən işə salınacağına ümid etdiyini bildirib.
525.az xəbər verir ki, Kambocada keçirilən Cənub-Şərqi Asiya Ölkələri Assosiasiyasının (ASEAN) 2022-ci il Sammiti çərçivəsində Cənubi Koreya Prezidenti Yoon və Yaponiyanın Baş naziri Kişida Fumio və Çinin Baş naziri Li Kiqyanqin iştirakı ilə ASEAN+3 çərçivə toplantısı keçirilib. Yoon ölkəsinin Cənubi Koreya, Çin və Yaponiyanı təmsil edən ASEAN+3 koordinatoru və bu il üç ölkə arasında keçiriləcək sammitin sədri kimi fəal rol oynayacağını bildirirərək: "Ümid edirəm ki, üçtərəfli əməkdaşlıq mexanizmləri, o cümlədən Cənubi Koreya-Çin-Yaponiya sammiti tezliklə yenidən işə salınacaq", - deyib. Ərzaq təhlükəsizliyi və enerji təhlükəsizliyində böhrana, eləcə də müharibə və insan hüquqlarının pozulmasına toxunan Yoon: " Ümidvaram ki, üzləşdiyimiz çoxsaylı böhranları aradan qaldırmaq üçün gələcəyə hesablanmış əməkdaşlığımızı daha da gücləndirəcəyik", - ifadələrini işlədib.
Qeyd edək ki, üç ölkə 2019-cu ilin dekabrında Çində keçirilən son görüşdən sonra üçtərəfli sammit keçirməyib.
Məhəmməd Tağıyev
çap et