ABŞ-a Pakistandan qaçaqmalçılıq yolu ilə 3,4 milyon dollar dəyərində 192 tarixi əsər gətirilib.
525.az xəbər verir ki, Milli KİV-in məlumatına görə, Manhetten prokurorluğunun Hind-Amerika qədim əşyalar qaçaqmalçısı Subhash Kapoor haqqında apardığı araşdırma nəticəsində Pakistandan qaçaqmalçılıq yolu ilə çıxarılan tarixi əsərlər tapılıb.
Pakistanın Nyu-York Konsulluğunda keçirilən tədbirdə 3,4 milyon dollar dəyərində 192 tarixi əsər bu ölkənin hakimiyyət orqanlarına təhvil verilib.
Əsərlər arasında "Buddanın maariflənmiş forması Maitreyanı təmsil edən Qandharan heykəli" var.
Bildirilir ki, bu tarixi əsərlər Pakistanda neolit dövrünə aid arxeoloji sahədən oğurlanıb. Antik əşyalar qaçaqmalçısı Kapoor 2011-ci ildə Almaniyanın Frankfurt hava limanında tutularaq Hindistana ekstradisiya edilib. O vaxtdan bəri həbsdə olan Kapoor ötən həftə günahkar bilinərək 13 il müddətinə azadlıqdan məhrum edilib.
Malik Atilay
çap et