8 fevral 1919-cu ildə Fransız işğal ordularının komandanı Franşet d'Esperey Fateh Mehmet kimi ağ at sürərək İstanbula qürurla daxil olur və şəhərdə yaşayan Osmanlı vətəndaşı olan rumlar, ermənilər tərəfindən mərasimlərlə qarşılanır. Komandirin və onu qarşılayan nankor Osmanlı vətəndaşlarının dediklərinə görə, türk artıq ölmüşdü!
Şair Süleyman Nazif bir gün sonra "Hədisət" qəzetində "Qara gün" adlı məşhur məqaləsini yazdı. Süleyman Nazif məqaləsində Fransa kralı I Fransiskin Qanuni Süleyman tərəfindən necə himayə altına alındığını yazır və sözlərini ərəbcə bir kəlamla bitirirdi: Səbr et, çünki zaman səbir etmir!
Yazıdan xəbərdar olan libertar (!) komandir dəli kimi "tutun, vurun!" deyə qışqırıb.
Dünən Fransa Senatının Azərbaycanla bağlı qərarı mətbuatda əksini tapanda ağlıma dərhal Süleyman Nazifin "Qara gün" yazısı düşdü. Rəhmətlik Süleyman Nazifin vurğuladığı kimi, sivil fransızlar həmişə başqa xalqlara qara günlər yaşatmışlar. Onların səksən-doxsan il əvvəl Əlcəzairdə və digər Afrika ölkələrində törətdikləri soyqırımlar hər kəsin yaddaşındadır. 21-ci əsrdə belə dünyanı başa düşməyən, yalnız xristian dini hissləri üçün hərəkət edən bu siyasətçilər sosialist partiyalarında olsalar belə, dünyada baş verən irqçi və şovinist hərəkatlara görə məsuliyyət daşıyırlar.
Azərbaycanla bağlı qətnaməni senata çıxaran senatorlardan biri olan Gilbert-Luc Devinaz Fransa-Ermənistan parlamentində dostluq qrupunun sədridir və Ermənistana tez-tez ziyarətləri və Türkiyə əleyhinə açıqlamaları ilə tanınır. Qanun layihəsinin qabaqcıllarından olan senator Bruno Retalleau sağçı və yabançı düşməni bir siyasətçidir, lakin ermənilərdən söz düşəndə sosialistlərlə əməkdaşlıq etməkdən çəkinmir. Qanun layihəsini dəstəkləyən senator Kristian Kambon bir ayağı Ərbildə Bərzaninin qapısındadır və bir ay əvvəl onlardan fəxri medal alıb. Qətnaməni Senatdan keçməsi üçün səy göstərən Eliane Assassi, Patrick Kanner, Herve Marseille adlı senatorlar fərqli ideologiyalara malik olsalar da, mövzu Türkiyə və Azərbaycan olduğunda dərhal birləşən, xristianlıq duyğusuna üstünlük verən insanlardır. Onların böyük qərb təkəbbürü var və hər şeyi bildiklərini zənn edirlər, şərqlilərə qarşı həmişə qərəzli olurlar. Kommunist və ekoloq olduğunu iddia edən qadın senator Eliane Assassi 19 noyabr 2020-ci ildə Fransaya Dağlıq Qarabağın Ermənistan ərazisi kimi tanınması təklifini irəli sürən şəxsdir.
Fransa Senatının qəbul etdiyi qətnamə tam cəhalət və axmaqlıq nümunəsidir. Türkiyə və Azərbaycanla bağlı hansı məsələ gündəmə gəlirsə gəlsin, cibindən qələm çıxarıb oxumadan imza atan bu axmaq siyasətçilər qətiliklə bu qətnaməni tam oxumayıblar. Çünki bölgəni bilmədən, İkinci Qarabağ müharibəsinin nəticələrini təhlil etmədən, Rusiya və Türkiyənin bölgədəki rollarını anlamadan hər hansı bir ağlı başında olan adamın belə bir nadan qanun layihəsinə imza atması mümkün deyil.
Fransa senatında belə bir qətnaməyə "hə" deyən 295 senator təəssüf ki, dünyaya rüsvay oldular və Fransa üçün bir "Qara gün" tarixi yaratdılar.
Mən ancaq bunlara, "Malheur a vous, pauvres synateurs!" bilərəm!
çap et