Dünyanın ən varlı adamı olan İlon Maskın sərvəti 2022-ci ildə rekord dərəcədə azalıb. 100 milyard dollar itirən Maskın sərvəti 169,8 milyard dollar olub.
525.az xəbər verir ki, İlon Maskın sərvəti bu il 100 milyard dollardan çox azalıb. Bu, "Bloomberg" Milyarderlər İndeksində indiyə qədər qeydə alınan ən ağır azalmadır.
Görünməmiş azalma "Tesla"nın artan xammal xərcləri və tədarük zəncirinin pozulması fonunda üzləşdiyi ən son problemləri əks etdirir ki, bu da Maskın sərvətinin əsas hissəsini təşkil edir. Qüsurlu arxa fənərlər və "Tesla"nın ABŞ-dan kənarda ən böyük bazarı olan Çindəki sərt "sıfır COVİD" vəziyyətinə görə 300 mindən çox avtomobilin geri çağırılması ilə problemlər xeyli pisləşib. Elektrik avtomobil istehsalçısının səhmləri bazar ertəsi günü bağlanışda 6,8 faiz ucuzlaşaraq 167,87 dollara düşüb, bu isə 2020-ci ilin noyabrından bəri ən aşağı səhm qiyməti olub. "Tesla" ilin əvvəlindən bəri səhmlərinin yarıdan çoxunu itirib.
Qeyd edək ki, 169,8 milyard dollar sərvəti ilə Mask dünyanın ən varlı adamı olaraq qalmağa davam edir.
Məhəmməd Tağıyev
çap et