ABŞ-ın xarici işlər naziri Antoni Blinken Malayziyanın Baş naziri seçilən Ənvər İbrahimi təbrik edib.
525.az xəbər verir ki, Blinken verdiyi yazılı açıqlamada: "Mən ABŞ adından Malayziya xalqını milli seçkilər və Ənvər İbrahimi Baş nazir seçilməsi münasibətilə təbrik edirəm. Bir çoxu ilk dəfə olmaqla milyonlarla malayziyalı səs verdi və 15-ci ümumi seçkini demokratiyanın gücünün nümayişinə çevirdi", - ifadələrinə yer verib. ABŞ və Malayziyanın sıx iqtisadi, şəxsiyyətlərarası və təhlükəsizlik əlaqələrinə əsaslanan güclü əlaqələrə malik olduğunu vurğulayan Blinken: "Biz ümumi demokratik prinsiplərə, insan hüquqlarına və qanunun aliliyinə hörmət əsasında dostluğumuzun və əməkdaşlığımızın dərinləşməsini səbirsizliklə gözləyirik", - deyib.
Qeyd edək ki, Malayziyada 15-ci ümumi seçkini başa vuran Ümid İttifaqı (PH) lideri Ənver İbrahim, Malayziya Kralı Sultan Abdullah Şah qarşısında vəzifə və məxfilik andı içərək vəzifəsinə rəsmi olaraq başlayıb.
Məhəmməd Tağıyev
çap et