|
|
|
|
Kaliforniyadakı quraqlıq ABŞ-ın ərzaq təhlükəsizliyini təhdid edir
ABŞ-ın Kaliforniya əyalətində yaşanan quraqlığın son 2 ildə ən az 3 milyard dollar məhsul gəlir itkisinə səbəb olduğu açıqlanıb.
525.az xəbər verir ki, Kaliforniya Ərzaq və Kənd Təsərrüfatı Departamenti üçün aparılan araşdırmaya görə, Mərkəzi Vadi bölgəsində suyun paylanması 2021 və 2022-ci illərdə 43 faiz azalıb. Nəticədə bir çox əkin sahələri becərilə bilməyib. Tədqiqata rəhbərlik edən Kaliforniya Universitetindən Jouse Medellin-Azuara, 2023-cü ildə azalan Kolorado çayından ştatın sudan asılı əkin sahələrinin daha çox əkmə sahələri gördüyü üçün vəziyyətin daha da pisləşə biləcəyinə diqqət çəkib.
Kolorado çayı hövzəsində suvarılan torpaqların təqribən 70 faizi heyvandarlıq yemi yetişdirmək üçün istifadə olunur və quraqlıq nəticəsində məhsulun maya dəyəri artır. Mərkəzi Vadi ABŞ-dakı bütün becərilən torpaqların təxminən dörddə birini təşkil edir.
Qeyd edək ki, "Milli İqlim Dəyişikliyi" jurnalının bu ilin əvvəlində dərc etdiyi araşdırma, ABŞ-ın cənub-qərbində ən azı 1200 ilin ən quraq 22 illik dövrünün olduğunu ortaya qoyub.
Məhəmməd Tağıyev
