UEFA 2023-cü ildə Millətlər Liqasının final mərhələsinə Niderlandın ev sahibliyi edəcəyini açıqlayıb.
525.az xəbər verir ki, UEFA-nın açıqlamasında bildirilir ki, Millətlər Liqasının final, yarımfinal və üçüncü yer uğrunda görüşləri 2023-cü ilin iyununda Niderlandın Rotterdam və Enşede şəhərlərində keçiriləcək. Xorvatiya, İtaliya, İspaniya və Niderlandın mübarizə aparacağı yarımfinalların püşkü 2023-cü ilin yanvarında atılacaq. Turnirin yarımfinal oyunları 14-15 iyun 2023-cü il tarixlərində, üçüncü yer və final görüşləri isə 18 iyun 2023-cü ildə keçiriləcək.
Qeyd edək ki, daha əvvəllər Millətlər A Liqası qruplarında 4 ölkənin birinci yeri tutduğu finallarda Portuqaliya və Fransa qalib gəlmişdi.
Məhəmməd Tağıyev