Burkina-Faso Fransanın "Radio France Internationale" (RFI) radiosunun yayımını dayandırdığını açıqlayıb.
525.az xəbər verir ki, hökumət sözçüsü Cin Emmanuel Ouedraoqo terror təşkilatları Əl-Qaidə və İŞİD-lə əlaqəli qrupların orduya qatılan mülki şəxsləri təhdid edən mesajlar yayımladıqları səbəbiylə, radionun fəaliyyətini ikinci bir bildirişə qədər dayandırdıqlarını bildirib. Açıqlamaya görə, radio öz mesajı ilə minlərlə burkina-fasolunun orduya qatılmasının qarşısını almaq üçün terrorçuların manevrinə töhfə verib.
Qeyd edək ki, bu il iki dövlət çevrilişinin baş verdiyi Burkina-Fasoda təhlükəsizlik problemləri səbəbiylə Fransa əleyhinə etirazlar keçirilmişdi.
Məhəmməd Tağıyev
çap et