Çinin Yer orbitində qurduğu Tiengong (səma sarayı) Kosmik Stansiyasında taikonavt komandası 6 aylıq missiyasını başa vurduqdan sonra geri qayıdıb.
525.az xəbər verir ki, CCTV dövlət televiziyasının xəbərinə görə, Chin Dong, Liu Yang və Cai Shujini daşıyan "Shincou-14" kosmik kapsul axşam saatlarında Qobi səhrasındakı Donfinq stansiyasına enib.
Kosmosda 180 gün qalan taikonavtların sağlamlıqlarının yaxşı olduğu açıqlanıb. "Shincou-14" kosmik gəmisi iyunun 5-də yola salınıb. Kosmik stansiyaya göndərilən üçüncü komanda olan taikonavt qrupu 6 ay ərzində stansiyanın əsas skeletinin quraşdırılması üçün araşdırmalar aparıb və bunun üçün üç dəfə kosmosda gəzinti həyata keçirib. Noyabrın 29-da “Shincou-15” gəmisi ilə stansiyaya göndərilən yeni taykonavt heyəti ilə taykonavtlar orbitdə ilk təhvil-təslim həyata keçiriblər.
Malik Atilay