|
|
|
|
Dünyaca məşhur yamaykalı idmançı Useyn Bolt milyonlarla dollar itirib.
525.az xəbər verir ki, bir investisiya şirkəti ilə başladığı işdən sonra hesabından 12 milyon 700 min dolların itdiyini, cəmi 12 min dollarının qaldığını açıqlayıb.
Pulların hansı səbəblə yoxa çıxdığı hələlik məlum olmasa da, məhkəmə prosesi başlayıb. Dünyaca məşhur keçmiş idmançı var-dövlətinin itirilməsindən şoka düşüb.
Useyn Bolt bir investisiya firmasındakı hesabında cəmi 12 min dolların qaldığını görüb. Yamayka mətbuatında çıxan xəbərlərə görə, hesabda 12 milyon 700 min dollar olması lazım idi.
Yamaykalı idmançının vəkilləri dələduzluq və oğurluq kimi ağır cinayətin törədildiyini bildiriblər. Bildirilib ki, pul 8 gün ərzində hesaba gəlməsə, məsələ Ali Məhkəməyə aparılacaq.
Qeyd edək ki, Bolt 8 dəfə olimpiya çempionu olub. O, 100 və 200 metr məsafələrə qaçışda dünya rekordu sahibidir.
Malik Atilay