Amerikada mövsümün ilk “ölçülə bilən” qarı ABŞ-nin paytaxtı Vaşinqtona və Nyu-Yorka düşüb.
525.az xəbər verir ki, ABŞ Milli Meteorologiya Xidməti gecə saatlarında Vaşinqtonun Dalles hava limanında yağan qarın qalınlığının 1 santimetrə çatdığını bildirib.
Fevralın ilk günü Vaşinqton ətrafında bəzi məktəblərin qar səbəbindən 2 saat gec açıldığı qeyd edilib. Nyu-Yorklular da nazik qar örtüyünə oyanıblar. ABŞ Milli Meteorologiya Xidməti səhər saatlarında Mərkəzi Parkda gözəl görüntülər yaradan qarın qalınlığının 1 santimetr ölçüldüyünü açıqlayıb.
Açıqlamada, həmçinin Nyu-Yorkda 326 gündür qar yağmadığına diqqət çəkilib və şəhərdə son 50 ilin ən uzun "qarsız qışı"nın yaşandığı bildirilib.
Malik Atilay