Azərbaycanda media subyektlərinin vergidən azad edilməsinin 3 ildən 5 il müddətinə artırılması təklif edilib.
525.az xəbər verir ki, belə bir təkliflə bu gün keçirilən Milli Məclisinin İqtisadi siyasət, sənaye və sahibkarlıq komitəsinin iclasında deputat Mahir Abbaszadə çıxış edib.
"Media subyektlərinin 3 il müddətinə vergidən azad edilməsi dövlət üçün 10 milyon manata başa gəlibsə, düşünürəm ki, 5 il müddətinə vergidən azad olunması medianın inkişafı üçün 15-16 milyon manat başa gəlməsi elə də yük olmayacaq", - M.Abbaszadə bildirib.
Deputat hesab edir ki, vergi güzəştlərinin üç ildən beş il müddətinə artırılması bu sahədə inkişafa təkan verəcək: "Mənə elə gəlir ki, bu da dövlət büdcəsi üçün o qədər də böyük problem olmayacaq. Bu sahədə addığımız addımlar gələcəkdə edilən güzəştlərin nəticələrini də göstərə bilər".
çap et