525.Az

Aİ Türkiyə üçün 10 axtarış-xilasetmə qrupunu səfərbər edib


 

Aİ Türkiyə üçün 10 axtarış-xilasetmə qrupunu səfərbər edib<b style="color:red"></b>

Aİ Türkiyədəki zəlzələdən sonra fövqəladə vəziyyətdə xəritə xidməti göstərmək üçün "Kopernik" peyk sistemini aktivləşdirib.

525.az xəbər verir ki, bu barədə Aİ-nin Ali Nümayəndəsi və böhranlar üzrə komissarının birgə bəyanatında bildirilib.

“Avropa İttifaqı Mülki Müdafiə Mexanizmini aktivləşdirdikdən sonra Türkiyə üçün axtarış-xilasetmə qruplarını səfərbər edib. Bolqarıstan, Xorvatiya, Çexiya, Fransa, Yunanıstan, Niderland, Polşa və Rumıniyadan 10 axtarış-xilasetmə qrupu sürətlə səfərbər edilib. İtaliya və Macarıstan da Türkiyəyə xilasetmə qruplarını təklif edib. Aİ-nin Fövqəladə Hallara Müdaxilə Koordinasiya Mərkəzi, lazım gələrsə, əlavə dəstəyi koordinasiya etmək üçün Türkiyə rəsmiləri ilə birbaşa əlaqə saxlayır. Aİ-nin "Kopernik" peyk sistemi də fövqəladə xəritə xidmətləri göstərmək üçün işə salınıb”, - birgə bəyanatda deyilib.

Aİ həmçinin güclü zəlzələdən sonra Suriyada zərər çəkənlərə dəstək verməyə də hazır olduğunu qeyd edib.

 





06.02.2023    çap et  çap et