Ermənistan Türkiyə ilə sərhədlərin açılmasına hazırlaşır

Ermənistanın Dövlət Gəlirləri Komitəsi Türkiyə ilə sərhəddə keçid məntəqəsinin açılmasının mümkünlüyü ilə bağlı hazırlıqlara başlayıb.

525.az "Sputnik Armenia"ya istinadən xəbər verir ki, Dövlət Gəlirləri Komitəsi texniki təchizat üçün Metsamor icmasına müraciət edib.

Bildirilib ki, hazırda gömrük nəzarəti prosesinin təmin edilməsi istiqamətində araşdırma aparılır. Söhbət gömrük binasından və sərhədə bitişik digər yarımçıq infrastrukturdan gedir (Modern.az).