Azərbaycanla İtaliya arasında hərbi əlaqələrin gücləndirilməsi müzakirə olunub

İtaliyanın müdafiə naziri Quido Krosetto Azərbaycanın bu ölkədəki səfiri Rəşad Aslanovu qəbul edib.

525.az APA-ya istinadən xəbər verir ki bu barədə İtaliya Müdafiə Nazirliyi məlumat yayıb.

“Müdafiə, enerji və regional kontekstdə təhlükəsizlik, o cümlədən iki ölkə arasında hərbi, sənaye və siyasi əlaqələrin gücləndirilməsi də daxil olmaqla ümumi maraq doğuran mövzular ətrafında səmimi müzakirə aparılıb”, - İtaliya Müdafiə Nazirliyindən bildirilib.