Hollivud ulduzu Con Travoltanın “Saturday Night Fever” ("Şənbə gecəsi hərarəti") filmində geyindiyi ağ rəngli kostyum Kaliforniyada keçirilən auksionda 260 min dollara satılıb.
525.az xarici mediaya istinadən xəbər verir ki, 1977-ci il Travolta yerli diskotekada rəqs edərək həyatının reallıqlarından qaçmağa çalışan Bruklinli gənc italyan-amerikalı Toni Manero rolunu oynayıb. Hit film bütün dünyada diskoteka musiqisinin populyarlaşmasına kömək etmiş və Travolta parlaq performansına görə Ən Yaxşı Aktyor Oskarına namizəd olmuşdu.
Auksion təşkilatçılarına görə, Travoltanın filmin məşhur rəqs yarışması səhnəsində geyindiyi kostyum filmin hazırlanmasında istifadə edilən iki kostyumdan biridir. Gödəkçədə tikişli şişirdilmiş uclu yaxalar və iki böyük cib var. Siyahıda kostyum "kino tarixinin ən ikonik kostyumlarından biri" kimi təsvir edilib və onun Paramount Studios və Travoltanın özünə məxsus olduğunu bildirən məktublarla gəldiyi izah edilib.
Qeyd edək ki, auksionda həmçinin Maykl J. Foksun 1989-cu ildə çəkilmiş "Gələcəyə Qayıdış 2" filmindəki hoverbordu 91 min dollara, Harri Potter filmində istifadə olunan çubuq isə 130 min dollara alınıb.
Malik Atilay
çap et