Yaponiyada 2 mülki vətəndaşın öldüyü hücumdan sonra baş verən qarşıdurmada 2 polis həyatını itirib, hücumda şübhəli bilinən şəxs saxlanılıb.
525.az xarici mediaya istinadən xəbər verir ki, Yaponiyanın Nakano Prefektura Əyalətindən verilən məlumata görə, dünən gecə ölkənin şimalındakı Nakano şəhərində bıçaqlı hücum nəticəsində iki mülki şəxs həlak olub.
Əyalətin təhlükəsizlik qüvvələrinə mülki şəxsə bıçaqla hücum edildiyi barədə məlumat verildikdə, hadisə yerinə hüquq-mühafizə orqanlarının əməkdaşları göndərilib, bir mülki şəxs isə hücum nəticəsində dünyasını dəyişib.
Polis, "əlində odlu silah və bıçaq olan təcavüzkarın qaçdığını" açıqlayıb və bölgədəki əhalidən evlərində qalmaları istənilib. Hadisə yerinin ətrafındakı 300 kvadratmetr ərazi “evakuasiya zonası” elan edilib.
Kamuflyaj geyinmiş, gün eynəyi, maska və papaq taxan cinayətkarın bir binaya sığındığı bildirilib.
Əyalət polisinin məlumatına görə, gecə saatlarında silahlı cinayətkarla atışmada 2 polis həyatını itirib. Cinayətləri törətməkdə şübhəli bilinən şəxsin Nakano Yerli Şurasının sözçüsü Aoki Masamiçinin böyük oğlu, 31 yaşlı Aoki Masanori olduğu müəyyən edilib. Polis təqibindən sonra şübhəlinin sığındığı evin atası Aokinin evi olduğu müəyyən edilib və ərazi təhlükəsizlik dairəsinə aparılıb. Şübhəlinin bu gün səhər yerli vaxtla saat 04:30-da nəzarətə götürüldüyü açıqlanıb.
Malik Atilay
çap et