Şabran rayonunda 65 yaşlı kişi itkin düşüb.
525.az-a bu barədə Daxili İşlər Nazirliyinin Mətbuat Xidmətinin Quba regional qrupundan məlumat verilib.
Bildirilib ki, rayonun Qələgah kənd sakini, 1958-ci il təvəllüdlü Ənvər Müslümov mayın 25-i saat 04:00 radələrində yaşadığı evdən "Mercedes" markalı avtomobil ilə çıxaraq naməlum istiqamətə gedib və indiyədək geri qayıtmayıb.
Qeyd edək ki, həmin avtomobil bir müddət sonra kənd ərazisində aşkar edilib.
Onu tanıyanlardan və barəsində məlumatı olanlardan DİN-in "102" Xidməti Zəng Mərkəzinə, eləcə də Şabran Rayon Polis Şöbəsinin (+994) 70 233 27 23 mobil nömrəsinə zəng edərək məlumat vermələri xahiş olunur.
Bizim Telegram kanalımıza abunə olun
çap et