https://525.az/img/pics/medium/2023-09/284199_he2km5ueq1.jpg Azərbaycan Prezidentinin xalqa müraciəti dünya mətbuatında geniş işıqlandırılıb
https://525.az/img/pics/medium/2023-09/284190_3yz08smrpl.jpg “525-ci qəzet”in 22 sentyabr sayında nələr var? - ANONS
https://525.az/img/pics/medium/2022-04/223117_v8ott8gxpa.jpg Təvazökar insan, vətənsevər ziyalı - Bayram Məmmədov yazır
https://525.az/img/pics/medium/2023-09/284139_29rdzr3etl.jpg Üçüncü xəbərdarlıq
search
21 Sentyabr 2023

Boksçularımız beynəlxalq turnirdə 10 medal qazanıblar

Boksçularımız beynəlxalq turnirdə 10 medal qazanıblar

Macarıstanın Eqer şəhərində gənc və yeniyetmə boksçular arasında beynəlxalq turnirə yekun vurulub.

525.az xəbər verir ki, Azərbaycan millisi yarışı 4 qızıl, 3 gümüş və 3 bürünc medalla başa vurub.

Gənc boksçularımızdan 51 kq çəkidə Sübhan Məmmədov Erik Katona (Slovakiya) ilə üz-üzə gəlib. Rəqibini 5:0 (30:25, 30:25, 30:26, 30:26, 30:26) hesabı ilə məğlub edən yığma üzvü fəxri kürsünün ən yüksək pilləsinə qalxıb.

Məhəmmədəli Aşurəliyev (57 kq) finalda Milan Pazmanla (Macarıstan) münasibətinə aydınlıq gətirib. Təmsilçimiz 3-cü raundda tam üstünlüklə qalib gələrək, qızıl medala yiyələnib.

75 kq-da Fərhad Şeydayev də turniri qalib kimi başa vurub. O, finalda İstvan Şüslə (Macarıstan) qarşılaşıb və ilk raundda tam üstünlüklə döyüşü aktivinə yazıb.

Onlardan fərqli, Tağı Nəsibov (54 kq) və Məhəmmədəli Qasımzadə (60 kq) finalda məğlub olaraq, gümüş medalla kifayətləniblər. Bu boksçulardan öncə Ömər Aslanlı (54 kq) bürünc medala sahib olub.

Yeniyetmə boksçularımızdan Banuçiçək Nəsirli (46 kq) də yarışda qızıl medala yiyələnib. O, Silviya Meltzerlə (Rumıniya) final görüşünün ikinci raundunda tam üstünlüklə qələbə qazanaraq, Eqerdə Azərbaycan himnini səsləndirib.

Yalnız finalda uduzan Özləm Həsənova (63 kq) yarışı ikinci pillədə başa vurub. Daha öncə isə İnci Məcidli (50 kq) və Abbasqulu Şadlinski (63 kq) 3-cü yeri tutub.

Beləliklə, Elbrus Rzayev və Rafiq İsmayılovun rəhbərlik etdiyi komandalar ənənəvi beynəlxalq turniri 10 medalla bitirib. Yığmanın heyətində Aşurəliyev yarışın ən texnikalı, Qasımzadə ən əzmkar boksçusu seçilib.

Bölmənin digər xəbərləri
© 2012-2023 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.