AMB və ADB əməkdaşlığın gələcək inkişaf istiqamətlərini müzakirə edib

Azərbaycan Mərkəzi Bankı (AMB) və Asiya İnkişaf Bankı (ADB) arasında əməkdaşlığın gələcək inkişaf istiqamətləri müzakirə edilib.

525.az xəbər verir ki, bunu AMB-nin sədri Taleh Kazımov tviter hesabında bildirib.

"Dünən ölkəmizdə səfərdə olan ADB-nin İcraçı direktoru Rachel Thompsonun rəhbərlik etdiyi nümayəndə heyəti ilə görüşdük, əməkdaşlığımızın cari vəziyyətini və gələcək inkişaf istiqamətlərini müzakirə etdik", - deyə o qeyd edib.