ABŞ hərbi təyyarələri "İslam dövləti” qruplaşmasına növbəti zərbə endirib

 ABŞ-ın döyüş təyyarələri bu gün İraqın şimalındakı Ərbil şəhəri yaxınlığında “İslam dövləti” (keçmiş İŞİD) qruplaşmasının mövqelərinə növbəti hava zərbələri endirib. Nəticədə qruplaşmanın 8 üzvünün öldüyü, 20 nəfərin yaralandığı xəbər verilir.

APA-nın “Anadolu” Agentliyinə istinadən verdiyi məlumata görə, bu barədə Mosulun “Əs-Səlam” xəstəxanasından bildirilib. Qeyd olunub ki, xəstəxanaya gətirilən cəsəd və yaralılar Mosulun 60 kilometr şərqində, Ərbil yaxınlığında olan Əl-Xazər bölgəsində hava zərbələrinə məruz qalıblar.
 
Qeyd edək ki, ABŞ Hərb Hava Qüvvələri avqustun 8-də “İslam dövləti” qruplaşmasının mövqelərinə zərbə endirməyə başlayıb.