Bu gün Azərbaycan prezidenti İlham Əliyev Beyləqanda Birinci Şahsevən-Əhmədli-Dünyamalılar kəndlərini birləşdirən avtomobil yolunun açılışında iştirak edib.
525.az-ın prezidentin rəsmi saytına istinadən verdiyi məlumata görə, sözügedən yol ölkə başçısının sərəncamı ilə tikilib. Sənədə əsasən avtomobil yolunun tikintisinə prezidentin ehtiyat fondundan ilkin olaraq 2 mln. manat vəsait ayrılıb.
25 min nəfərin yaşadığı 8 yaşayış məntəqəsini birləşdirən yolun ümumi uzunluğu 39 km-dən çoxdur. Hazırda avtomobil yolunun 20 kilometrlik hissəsinin inşası başa çatdırılıb.
Dördüncü texniki dərəcəli bu yolun istifadəyə verilməsi onun əhatə etdiyi kəndlərin sakinlərinin rayon mərkəzi, o cümlədən respublika əhəmiyyətli əsas yollara çıxışını asanlaşdırır.
çap et