Bu ilin yanvar-noyabr aylarında İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə ötən ilin eyni dövrü ilə müqayisədə 4,1 % çox - 15 milyard 337,7 milyon manat vəsait daxil olub.
525.az xəbər verir ki, bunu nazir Mikayıl Cabbarov "X" sosial şəbəkəsindəki hesabında bildirib.
"O cümlədən, son 1 ildə qeyri-neft-qaz sektorundan vergi daxilolmaları 18,9 % artaraq 9 milyard 15,8 milyon manata çatıb", - deyə o qeyd edib.
"Ölkəmizdə aparılan səmərəli vergi siyasəti qeyri-neft-qaz sektorundan vergi daxilolmalarının yüksək dinamikasını təmin etməklə dayanıqlı iqtisadi artıma əhəmiyyətli töhfə verir", - deyə nazir əlavə edib.
çap et