21 dekabr tarixində Respublika Uşaq Kitabxanasına Azərbaycanın Milli Qəhrəmanı Rövşən İmanov adına 205 nömrəli tam orta məktəbin 3-cü sinif şagirdlərinin ekskursiyasi təşkil olunub.
525.az xəbər verir ki, öncə məktəblilər kitabxana ilə tanış olduqdan sonra kitabxananın kiçik oxu zalında “Şaxta baba üçün xüsusi hədiyyə” , “Cırtdan”, ”Afrika Safarisi”, ”Bir Gün Kənddə” nağıl kitabları ilə tanış olublar. Həmçinin məktəbilərə Firidun bəy Köçərlinin Azərbaycanda uşaq folklorunun ilk antologiyası olan "Balalara hədiyyə” adlı kitabı haqqında ətraflı məlumat verilib.
Ekskursiyaların təşkil olunmasında əsas məqsəd uşaqları Respublika Uşaq Kitabxanasının zəngin kitab fondu ilə yaxından tanış etmək, onlarda mütaliə mədəniyyətini və kitaba olan marağı artırmaqdır.
çap et