Nigeriyanın Kaduna əyalətində avtobusun qəzaya uğraması nəticəsində 16 nəfər ölüb.
525.az xəbər verir ki, Nigeriya Milli Yol Təhlükəsizliyi Kaduna əyalətinin direktoru Kabir Nadabo verdiyi açıqlamada sərnişin avtobusunun Kaduna-Kano şossesində çuxura düşdüyünü bildirib. Nadabo qəza nəticəsində 16 nəfərin öldüyünü, 4 nəfərin isə yaralandığını qeyd edib.
Müalicə altında olan yaralılardan bəzilərinin sağlamlıq vəziyyətinin ağır olduğunu deyən Nadabo, ölənlərin sayının artacağından narahat olduğunu bildirib.
Məhəmməd Tağıyev
çap et