“Akademiyanın həqiqi və müxbir üzvləri akademik Zemfira Səfərova haqqında” adlı kitab nəşr olunub.
525.az AZƏRTAC-a istinadən xəbər verir ki, kitabda AMEA Memarlıq və İncəsənət İnstitutunun “Musiqi tarixi və nəzəriyyəsi” şöbəsinin müdiri, Əməkdar elm və incəsənət xadimi, Şöhrət ordenli, AMEA-nın həqiqi üzvü Zemfira Səfərova haqqında akademiyanın həqiqi və müxbir üzvləri, Azərbaycanın görkəmli bəstəkarı, SSRİ Xalq artisti, akademik Qara Qarayev, SSRİ Xalq artisti, AMEA-nın müxbir üzvü Fikrət Əmirov, Azərbaycan Bəstəkarlar İttifaqının sədri, Xalq artisti Firəngiz Əlizadə, Xalq yazıçısı, akademik Mirzə İbrahimov, akademiklər Firudin Köçərli, Tofiq Hacıyev, Rasim Əfəndiyev, Bəkir Nəbiyev, Rafael Hüseynov və AMEA-nın prezidenti, akademik İsa Həbibbəylinin müxtəlif illərdə kitablarda, məcmuələrdə, qəzetlərdə dərc edilmiş fikir və düşüncələri yer alıb.
Kitabın “Ön söz” müəllifi AMEA Memarlıq və İncəsənət İnstitutunun aparıcı elmi işçisi, sənətşünaslıq üzrə fəlsəfə doktoru, Əməkdar mədəniyyət işçisi Ülkər Talıbzadə, kompüter tərtibçisi şöbənin kiçik elmi işçisi Tutu Hüseynovadır.
çap et