Filippinin cənubundakı Davao de Oro əyalətində baş verən sürüşmə nəticəsində ölənlərin sayı 54-ə çatıb.
525.az xəbər verir ki, bu barədə "ABS-CBN News" məlumat yayıb.
Daha 63 nəfərin itkin düşdüyü bildirilir.
Qeyd edək ki, yerli hakimiyyət orqanlarının məlumatına görə, təxminən doqquz hektar ərazidə aparılan axtarış-xilasetmə əməliyyatında hərbçilər də daxil olmaqla 500-ə yaxın adam iştirak edir. Sürüşmənin hündürlüyü 30 metrdən 50 metrə qədər ola bilər.
Cümə günü, fevralın 9-da dağıntılar altında təxminən 60 saat qalmış üç yaşlı qız tapılıb.
Xatırladaq ki, sürüşmə çərşənbə axşamı, fevralın 6-da baş verib.
Havar Şəfiyeva
çap et