Naxçıvanda hədə-qorxu ilə pul tələb edərək cəzaçəkmə müəssisəsinə göndərən dəstə üzvləri iş başında tutulub
Naxçıvan polisi hədə-qorxu ilə pul tələb edərək cəzaçəkmə müəssisəsinə göndərən dəstə üzvlərini iş başında saxlayıb.
525.az-a bu barədə Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, keçirilən tədbir nəticəsində əvəllər qaçaqmalçılıq, dələduzluq, soyğunçuluq və narkotiklərlə əlaqəli cinayətlərə görə məhkum olunmuş Naxçıvan şəhər sakinləri,Quliyev Qadir və Zöhrabov Toğrul saxlanılıb. Onlar şantaj etdiyi şəxsdən pul vəsaiti alarkən Naxçıvan Muxtar Respubilkasının Daxili İşlər Nazirliyinin CAİ-nin əməkdaşları tərəfindən tutulub.
Həmin şəxslər istinataqa verdikləri ifadələrində törətdikləri cinayət əməlini etiraf ediblər.
Saxlanılan şəxslərin hər biri barəsində Naxçıvan MR-nın Daxili İşlər Nazrliyinin Təhqiqat və İstintaq idarəsində araşdırmalar aparılır.
Onların ətraflarının və cinayət əlaqələrinin müəyyən edilməsi istiqamətində əməliyyat-axtarış tədbirləri davam etdirilir.
