Trampdan seçkiqabağı növbəti qələbə

ABŞ-nin keçmiş prezidenti Donald Tramp Şimali Dakota ştatında Respublikaçıların kokusunda qalib gəlib.

525.az xəbər verir ki, bu barədə "Associated Press" məlumat yayıb.

Agentlik qeyd edir ki, Tramp əsas rəqibi ABŞ-nin BMT-dəki keçmiş daimi nümayəndəsi Nikki Heyli olan digər partiya namizədləri üzərində növbəti qələbəsini qazana bilib.

Qeyd edək ki, bundan əvvəl Tramp Miçiqan və Aydaho ştatlarında Respublikaçılar Partiyasının kokussiyalarında qalib gəlmişdi. Miçiqan ştatında keçmiş Amerika lideri 13 əyalətin hamısında Heylini məğlub edib. 

Havar Şəfiyeva