Avropa İttifaqının dövlət və hökumət başçıları martın 21-22-də keçiriləcək sammitdə Ukraynaya təcili və intensiv dəstəyin zəruriliyini bəyan etmək niyyətindədirlər.
525.az “Report”-a istinadən xəbər verir ki, bu barədə Aİ nümayəndəsi Brüsseldə jurnalistlərə bildirib.
“Ukrayna ilə bağlı əsas mesajımız üçyönlü olacaq: yardımımızın təcililiyi və intensivliyi və Ukraynaya dəstək verməkdəki əzmimiz”, - o deyib.
Diplomatın sözlərinə görə, Ukrayna Prezidenti Volodimir Zelenski ölkəsindəki münaqişə və onunla bağlı bütün məsələləri müzakirə etməzdən əvvəl 27 Aİ ölkəsinin liderlərinə videobağlantı vasitəsilə müraciət edəcək.
çap et