İrlandiya Cənubi Afrikanın İsraili soyqırımda ittiham edərək Beynəlxalq Ədalət Məhkəməsində qaldırdığı işə müdaxilə etməyə hazırlaşır.
525.az xəbər verir ki, İrlandiyanın baş nazirinin müavini Mişel Martin Nazirlər Şurasının iclasından əvvəl hökumət binası qarşısında jurnalistlərə açıqlama verib. Martin keçən həftə hüquq qrupu tərəfindən məlumatlandırıldığını bildirərək: "İşə müdaxilə etmək üçün əsasımız olduğuna inanırıq", - deyib.
Qəzzadakı vəziyyətin hazırda humanitar fəlakət olduğunu vurğulayan Martin, bölgəyə yardımların girişinin açıq şəkildə əngəlləndiyini vurğulayıb. Martin bunun Qəzza xalqı üçün ciddi zərər və təxribat olduğunu deyib.
Məhəmməd Tağıyev
çap et