Suriyada bomba yüklü avtomobilin partlaması nəticəsində 7 nəfər həyatını itirib, ən azı 30 nəfər yaralanıb.
525.az xarici mediaya istinadən xəbər verir ki, Suriyanın Azez rayonunda bomba yüklü avtomobilin partladılmasından sonra yanğın baş verib.
Dükanların sıx olduğu küçədə gecə saatlarında baş verən partlayışda 7 nəfər həyatını itirib, ən azı 30 nəfər yaralanıb. Yaralılara ətrafdakı xəstəxanalarda tibbi yardım göstərilib. Partlayışın baş verdiyi ərazidəki mağazalara ziyan dəyib.
Qeyd edək ki, hələlik heç kim hücuma görə məsuliyyəti üzərinə götürməyib.
Malik Atilay
çap et