Pekin üç alman vətəndaşının Çin üçün casusluq fəaliyyəti həyata keçirdiyi ittihamlarını rədd edib.
525.az xəbər verir ki, bu barədə "Der Spiegel" qəzeti məlumat yayıb.
“Biz Almaniya tərəfini Çinin imicini siyasi manipulyasiya etmək üçün casusluq ittihamlarından istifadə etməyi dayandırmağa çağırırıq”, – deyə nəşr Çinin Berlindəki səfirliyinin cavabında yazır.
Federal prokurorların sözlərinə görə, saxlanılanlar Çin Hərbi Dəniz Qüvvələrini gücləndirə biləcək hərbi texnika haqqında məxfi məlumat əldə etməyə çalışırlar. Hər üç şəxs Məxfi Xidmət agenti kimi işləməkdə və Xarici Ticarət Qanununu pozmaqda ittiham olunur.
Qeyd edək ki, bundan əvvəl Almaniya Baş Prokurorluğunun Pekinə casusluq etməkdə şübhəli bilinən üç vətəndaşı həbs etdiyi bildirilib.
Havar Şəfiyeva
çap et