ABŞ Senatı "TikTok"un Amerikada qadağan edilməsinə səbəb ola biləcək mübahisəli qanun layihəsini təsdiqləyib.
525.az xarici mediaya istinadən xəbər verir ki, "TikTok"un Çin sahibi olan "ByteDance"ə səhmlərini satmaq üçün doqquz ay vaxt verilib, əks halda proqram ABŞ-də bloklanacaq.
Şirkət daha əvvəl "TikTok"u satmağa məcbur edəcək istənilən cəhdə qarşı çıxacağını bildirib.
Əgər ABŞ "ByteDance"i "TikTok"u satmağa məcbur etməkdə müvəffəq olarsa, imzalanacaq hər hansı bir sövdələşmə hələ də Çin rəsmilərinin təsdiqinə ehtiyac duyacaq, lakin Pekinin buna qarşı çıxacağı gözlənilir.
Təhlilçilər prosesin illər çəkə biləcəyini deyiblər.
Tədbir Ukrayna, İsrail, Tayvana və Hind-Sakit okean regionunda ABŞ-nin digər tərəfdaşlarına hərbi yardımı da əhatə edən dörd qanun layihəsi paketinin bir hissəsi kimi qəbul edilib.
Qeyd edək ki, milyonlarla amerikalı haqqında məlumatların Çinin əlinə keçə biləcəyi ilə bağlı qorxular Konqresin Pekində yerləşən şirkətdən "TikTok"u ayırmaq cəhdlərinə səbəb olub.
Malik Atilay
çap et