ABŞ Mərkəzi Komandanlığı (CENTCOM) Qəzzanın şimalına 25 min hissə qidaya bərabər humanitar yardım göndərdiklərini açıqlayıb.
525.az xəbər verir ki, CENTCOM-un "X" platformasında etdiyi açıqlamada Qəzzada mülki əhalinin əsas ehtiyaclarını qarşılamaq məqsədilə dünən yerli vaxtla saat 12:15-də bölgənin şimalına "C-130" tipli hərbi təyyarələrlə havadan humanitar yardımların atılması əməliyyatının həyata keçirildiyi bildirilib.
Açıqlamada əməliyyat zamanı 25 min hissə yeməyə bərabər olan yardımın havadan atıldığı və bu çərçivədə ABŞ-nin indiyədək 1082 ton humanitar yardım etdiyi bildirilib.
Məhəmməd Tağıyev