Finlandiyanın Finnair aviaşirkəti Tartu şəhərinə uçuşları ləğv etdikdən sonra Estoniya Rusiyanı təyyarələrin GPS sisteminə müdaxilə etməkdə ittiham edib.
525.az xarici mediaya istinadən xəbər verir ki, Estoniyanın ictimai yayımı ERR-ə danışan Estoniyanın xarici işlər naziri Marqus Tsahkna təyyarənin GPS sisteminə müdaxiləni “hibrid hücum” kimi qiymətləndirib və hadisəyə görə Rusiyanın məsuliyyət daşıdığını bildirib.
Tsahkna, məsələni AB və NATO-da gündəmə gətirməyi planlaşdırdığını ifadə edərək: "Rusiya onların yaratdığı müdaxilənin hava nəqliyyatımız üçün çox təhlükəli olduğunu çox yaxşı bilir. Bu, gündəlik həyatımızın axınını pozan, düşünülmüş bir hərəkətdir”, - deyib.
Malik Atilay
çap et