525.Az

Totti və Xavidən yeni rekord


 

Totti və Xavidən yeni rekord <b style="color:red"></b> Çempionlar Liqasında dünən keçirilən oyunlarda bir neçə rekord təzələnib.

Lent.az-ın məlumatına görə, "Mançester Siti" - "Roma" matçında qonaqların kapitanı Françesko Totti liqanın tarixinə düşüb. İtaliyalı futbolçu matçın 23-cü dəqiqəsində hesabı bərabərləşdirməklə, liqanın tarixində qol vuran ən yaşlı (38 yaş, 3 gün) oyunçu  olub.  Bundan əvvəlki rekord isə "Mançester Yunayted"in sabiq kapitanı Rayan Giqsə məxsus olub. O, 2011-ci ildə Çempionlar Liqasında ömrünün 37 yaş 289 günündə fərqlənib.
 
Xavi Hernandes isə “PSJ” - "Barselona" oyununda yeni rekorda imza atıb. İspaniyalı yarımmüdafiəçi liqada ən çox meydana çıxan futbolçu (143) titulunu ələ keçirib. Komandasının 2:3 hesabı ilə uduzduğu görüşdə 34 yaşlı yarımmüdafiəçi matçın 69 dəqiqəsində İvan Rakiticin yerinə oyuna daxil olub və “Real”ın sabiq hücumçusu Raul Qonzalesi (142) keçib.
 
Digər barselonalı Lioenel Messi isə “PSJ” ilə görüşdə fərqlənərək vurduğu qolların sayına görə “Real Madrid”in  hücumcusu Ronaldoya çatıb. Hər iki futbolçu liqada 68 dəfə fərqlənib.
 
Çempionlar Liqasının tarixində ən çox qol vuran oyunçu isə “Real Madrid”in sabiq hücumçusu Raul Qonzalesdir. Veteran futbolçu rəqib qapılarından 71 top keçirb. Messi və Ronaldonun Raula çatması üçün 3 qol lazımdır.
 




01.10.2014    çap et  çap et