"İlk növbədə Gəncədən bura gələn, ümumiyyətlə bütün "Kəpəz" azarkeşlərinə təşəkkür edirəm. Tovuz fanatlarına da minnətdaram ki, sonda adımı çəkib dəstək verdilər. Çalışdıq ki, gücümüz çatan qədər oynayaq".
QOL.az xəbər verir ki, bu sözləri "Kəpəz"in baş məşqçisi Adil Şükürov Misli Premyer Liqasının sonuncu turunda "Turan Tovuz"a 0:1 hesabı ilə uduzduqları oyundan sonra deyib.
"Böyük itkilərimiz var idi. Heyətimizdən bir çox futbolçular oynamırdı. Bizi sevindirən məqam odur ki, onların yerinə çıxanlar verilən tapşırıqları bacardıqları qədər yerinə yetirməyə çalışdılar. Bu da bizi çox sevindirir. Digər məqam meydana çıxan iki gənc futbolçumuz ilə bağlıdı. Ümid Səmədov və Fərid Kələntərova çox ümidliyəm. Onlar meydanda verilən tapşırıqları layiqincə yerinə yetirdilər. Gələcək karyeralarında uğurlar arzulayıram" - deyə o bildirib.
çap et