525.Az

Kobani uğrunda yenidən şiddətli döyüşlər başladı


 

Kobani uğrunda yenidən şiddətli döyüşlər başladı<b style="color:red"></b> Suriya-Türkiyə sərhədi yaxınlığında yerləşən Kobani şəhərinin küçələrində “İŞİD” və kürd qüvvələri arasında yenidən şiddətli döyüşlər başlayıb.
 
525.az-ın APA-ya istinadən verdiyi xəbərə görə,  bu barədə “Əl Mayədin” telekanalı məlumat yayıb. 
 
Qısa fasilədən sonra güclü döyüşlər eyni vaxtda şəhərin şərq, qərb və cənub istiqamətlərində başlayıb. Kürd döyüşçüləri şəhərin bir hissəsinin terrorçuların nəzarətinə keçməsi barədə xəbərləri təkzib edirlər.

Onların sözlərinə görə, qızğın döyüşlər şəhərin ətrafında gedir, burada yalnız ayrı-ayrı tikililər terrorçuların nəzarətinə keçib. Telekanalın məlumatına əsasən, kürd özünümüdafiə qüvvələri ötən gecə 35 terrorçu  məhv edib.    
 
Türkiyə hakimiyyəti, öz növbəsində, Kobanidəki vəziyyətlə əlaqədar Suriya ilə sərhəddə ordu birləşmələrini gücləndirir. Sərhəd zonaya çoxlu sayda tank və zirehli texnika cəmləşib.
 




08.10.2014    çap et  çap et