Fransa Prezidenti Makron Avropa Parlamenti seçkilərində sağçıların ölkəsində böyük fərqlə birinci yerə çıxmasından sonra parlamenti buraxıb və növbədənkənar ümumi seçkilər keçirmək qərarına gəlib.
525.az xarici mediaya istinadən xəbər verir ki, Fransada keçirilən AP seçkilərində sağçı Milli Ralli Partiyası (MN) 31,50 faiz səslə böyük fərqlə birinci, prezident Emmanuel Makronun partiyası Rönesans isə 15,2 faiz səslə ikinci olub.
Partiyasının böyük fərqlə məğlub olmasından sonra açıqlama verən Makron nəticələrin “Avropanı müdafiə edən partiyalar üçün yaxşı olmadığını” etiraf edib və erkən seçkilərin 30 iyun-7 iyul tarixləri arasında keçiriləcəyini açıqlayıb.
Malik Atilay
çap et