Rusiyanın paytaxtı Moskvadan 25 kilometr şimal-şərqdə yerləşən Fryazino Tədqiqat Mərkəzində yanğın baş verib.
525.az xarici mediaya istinadən xəbər verir ki, yanğın “Platan” Araşdırmalar Mərkəzinin binasının 7-ci mərtəbəsində baş verib. Sonra digər mərtəbələrə yayılıb.
Hadisə yerinə çoxlu yanğınsöndürmə briqadaları göndərilib.
Sıx tüstüdən zərər çəkənlər pəncərələrə yaxınlaşaraq kömək istəyiblər. Yanğın zamanı 8 nəfər ölüb. Rusiya Fövqəladə Hallar Nazirliyi 9 nəfərin binada qaldığını, bir nəfərin isə xilas edildiyini açıqlayıb.
Qeyd edək ki, "Platan" Araşdırma Mərkəzi elektron cihazlar istehsal edir.
Malik Atilay
çap et